img_4670

В наш храм доставлена частица мощей святого апостола Андрея Первозванного

Божией милостью частица мощей святого апостола Андрея Первозванного доставлена в храм во имя святителя Луки, где будет пребывать до 19 декабря.


Тропарь, глас 4 
Яко апостолов первозванный/ и верховнаго сущий брат,/ Владыце всех, Андрее, молися,/ мир вселенней даровати// и душам нашим велию милость.

Кондак, глас 2
Мужества тезоименитаго богоглагольника/ и Церкве возследователя верховнаго,/ Петрова сродника восхвалим,/ зане якоже древле сему/ и ныне нам воззва:// приидите, обретохом Желаемаго.

Молитва святому апостолу Андрею Первозванному
Первозванне Апостоле Бога и Спаса нашего Иисуса Христа, Церкве последователю, всехвальный Андрее! Славим и величаем апостольския труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним во веки пребываеши на небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше, еже ко Христу обращение, и не точию любиши, но и молиши о нас Бога, зря во свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают: верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас грешных: да якоже ты абие по гласу Господа, оставль мрежи своя, неуклонно Ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом и во веки веков. Аминь.

img_4732 img_4715

img_4558-0

Пресс-служба храма во имя святителя Луки

Фото Виктории Серебрянской